Semana de Rosalía - Convite á rolda de prensa na que se comunicará aos medios os actos que durante esa semana terán lugar en Santiago de Compostela

Convidámosvos á rolda de prensa na que se comunicará aos medios a celebración da Semana de Rosalía e os actos que durante esa semana terán lugar en Santiago de Compostela.

Ditos actos están organizados pola Asociación Veciñal RAIGAME coa colaboración da Fundación Rosalía e o patrocinio do Concello de Santiago de Compostela.

A citada rolda de prensa será o venres 18 de febreiro ás 11h no Centro Sociocultural do Ensanche na rúa Frei Rosendo Salvado, 16. A ela están convidados o Presidente da Fundación Rosalía de Castro, a Concelleira de Cultura do Concello de Santiago de Compostela, a Presidenta da Asociación EmRede, o Presidente da Asociación Comercio.Compostela, o Presidente da Asociación Hostalería.gal, o Presidente da Asociación de Hostelería Compostela e o Presidente da Asociación Raigame.

Merecido homenaxe a Rafael Silva, fundador da librería Follas Novas

 

Por os seus cincoenta anos ao frente do seu negocio, Rafael Silva recibíu este martes un emotivo homenaxe, que lle fixo especial ilusión por vir dos seus veciños, xa que foi a asociación Raigame a que organizou este merecido recoñecemento no centro sociocultural do Ensanche. 
Artigo no Correo Galego
Reportaxe no telexornal da RTVG

 

FOLLAS NOVAS

1971-2021

Cincuenta anos no Ensanche!

Homenaxe a don Rafael Silva (1937) fundador da libraría  Follas Novas hai 50 anos 

Data : martes 9 de novembro 2021 ás 20:00 horas

Onde : Salón de actos  do Centro Sociocultural O Ensanche, na rúa Frei Rosendo Salvado, nº 14-16

Aforo limitado, inscrición ata o día 5 de novembro no correo electrónico aavvraigame@gmail.com ou no Centro Sociocultural do Ensanche, teléfono 981 543 001

Programa

20h.- Benvida e presentación a cargo de Xosé Manuel Durán, presidente da Asociación de Veciños Raigame.

20.15h. Conferencia de Anxo Angueira, presidente da Fundación Rosalía de Castro.

Follas Novas: Rosalía no Ensanche (Campos de Cornes, Cruceiro de Ramírez...)

21.00h Xaquín Mato, presidente de honra de Raigame, entrega unha placa de recordo a Rafael Silva Costoyas, fundador e propietario da libraría Follas Novas, un símbolo do Ensanche.

21.10h. Agradecementos e despedida.

O 27 DE SETEMBRO DE 1960, OS PROPIETARIOS DAS CASAS DE RAMÍREZ RECIBIRON AS CHAVES DAS SÚAS VIVENDAS.

O 27 de setembro de 1960, ao pé deste cruceiro, os propietarios das Casas de Ramírez recibiron as chaves das súas vivendas. Sesenta e un anos despois desde a Asociación de Veciños Raigame, en colaboración co Centro Socio Cultural O Ensanche, quixemos lembrar a efeméride, con Xaquín Mato e Agustín Pena representando á Asociación. O cruceiro é o segundo -máis é o orixinal do acto- logo de que o primeiro, inmortalizado  por Rosalía, rematase instalado na praciña de San Fiz de Solovio.

Cruceiro de Ramírez que te ergues solitario

dos Agros na espranada, antre as rosas dos campos:

o sol da tarde pousa en ti o postreiro raio

coma nun alma triste pousa un soño dourado.

Algunha vez no estío, eu ó teu pe sentada

escoito silenciosa, mentras a tarde acaba;

baixo das pedras mudas, que teu secreto gardan,

maxino que resoa o brando son dun arpa,

¡música incomprensible que doutros mundos fala!

¡Tal de Memnón se oían ó amañecer na estatua

aqueles sons divinos que as almas encantaban!

(Rosalía de Castro, Follas Novas. 1880)

MANIFESTO DAS ASOCIACIÓNS VECIÑAIS DE SANTIAGO DE COMPOSTELA PARA A REFLEXIÓN SOBRE A MELLORA DA XESTIÓN INTEGRAL DA AUGA E A GARANTÍA DE ACCESO

 As Asociacións Veciñais de Santiago de Compostela abaixo asinantes manifestan:
1. Que a auga é un recurso esencial para a vida humana e o planeta.

2. Que o acceso á auga e ao saneamento foi declarado pola ONU no ano 2010 como un dereito humano e polo tanto os poderes públicos deben garantir a universalidade e accesibilidade a este recurso para toda persoa con independencia da súa situación económica e do lugar onde viva, evitando a falla de subministro por motivos económicos ou sociais.

3. Como servizo esencial debería quedar á marxe de calquera operación de especulación. Debe responder a parámetros de sustentabilidade ambiental e debe ser prestado de forma eficaz, garantindo, ao mesmo tempo, que os beneficios da actividade retornen á sociedade, para mellorar o servizo e mellorar a calidade da auga que se devolve ao medio ambiente.

4. Que a auga é tamén un elemento fundamental para o desenvolvemento económico e social e fonte de enerxía para as actividades humanas.

5. Que a xestión da auga no noso municipio leva en mans privadas desde 1971, estando o actual contrato vixente desde 1985 con sucesivas prórrogas. A xestión e a súa falta de control por parte do Concello de Santiago foi cuestionada nun informe do Consello de Contas de Galicia xa no ano 2003. En dito informe cuestionábanse, fundamentalmente, as sucesivas prórrogas outorgadas a empresa concesionaria. Por todo elo, solicitamos unha auditoría externa imparcial sobre a xestión da auga en Santiago de Compostela.

6. Que despois de todo este tempo, o déficit de infraestruturas de abastecemento e saneamento é moi elevado así como a ausencia de adaptación á normativa europea. É de destacar a falta de servizos no rural e a necesidade de mellora das poucas que existen. Urxe avaliar e facerlle fronte a necesidade de renovación da rede de subministro e saneamento en moitos barrios e parroquias cun duplo obxectivo; que chegue a todos os núcleos poboacionais do concello, xa todos temos os mesmos dereitos, e que tamén permita unha mellora na calidade da auga e unha redución do impacto ambiental.

7. Que o tecido asociativo veciñal de Santiago como elemento vivo e con capacidade de pulsar o sentir e necesidades de Compostela, quere contribuír á reflexión e a busca de solucións para aqueles retos que debemos afrontar colectivamente.
En base a todo o anterior, consideramos urxente unha reflexión pública e transparente coa cidadanía sobre o modelo de xestión, discusión que, por outra parte, estase a facer en moitos outros lugares.
Entendemos que debemos debatir abertamente sobre a conveniencia ou non de que a xestión do servizo integral da auga en Santiago de Compostela continúe en mans privadas ou se deberíamos camiñar cara a un modelo de xestión pública da auga, antes de hipotecar por outros 25 anos máis, e ata 400 millóns de euros,ao Concello e a súa veciñanza.
Por todo o anterior solicitamos ao goberno municipal, e a todas as forzas políticas con representación no Concello de Santiago, que se articule e abra este debate para que se poida escoitar a voz dos composteláns.

Compostela, 30 maio de 2021

Asinantes :
FERUSA ( Federación de asociacións veciñais do rural de Santiago )
AV A Xuntanza
AV Santa Marta –Choupana
AV Casco Histórico
AV Raigame
AV de Coira
AV Camiño de Santiago de Bando
AV Alvaro Cunqueiro
AV Fonseca
AV Rego das Pedras de Marantes
AV do Castiñeiriño
AV As Marías
AV Plataforma de Galeras
AV Casa Agraria
AV Monte do Gozo de San Lázaro e Amio
AV Espazo Veciñal de Sar
AV de Enfesta
AV Conxo Aberto
AV Monte de Deus de Vite

Cidadanía Solidaria

Nestes momentos no que moitas familias quedan sen ingresos e os pequenos comercios da cidade teñen que pechar as súas portas e facer frente aos soldos do seu persoal, é precisamente agora cando se fai máis necesario ca nunca a solidariedade entre nós e sobre todo dos propietarios dos pisos e locais comerciais. Apelamos ao lado máis humano das persoas que teñen na súa man rebaixar ou mesmo condonar os alugueres mentres dure esta situación de auténtica catástrofe económica e sanitaria.
Tamén esperamos que este acto de colaboración cidadá sirva de exemplo ás respectivas administracións tanto central, autonómica e local para que poñan canto teñan na súa man para que os próximos anos, que virán moi duros, poidan ser soportables.

http://www.lavozdegalicia.es/noticia/sociedad/2020/03/22/olvidate-alquiler-abrilmanuel-villar-pagara-alquiler-sigueiro-familia-cobrara-local-vigo/0003_202003S22C3992.htm

ACOMPÁÑOTE

Se estás só/soa ou non podes saír de casa, chámame porque gustaríame axudarche a:

• Levarche algo a casa. Facerche a compra ou ir á farmacia.
• Xestionar o transporte aos servizos médicos ou acompañarte.
• Baixar o lixo.
• Solucionar dúbidas ou simplemente conversar. 
• Non debo achegarme a menos de 2 metros

Tes unha veciña ou veciño moi preto de ti que che pode botar unha man.

Se queres ser voluntari@, por favor, escribe ao email: aavvraigame@gmail.com enviando nome, telf móvil e rúa na que vives. Despois formarás parte do grupo de whatsapp AXÚDOTE e recibirás ás instrucións dun médico de atención primaria que che explicará como debes proceder. Neste grupo poderás compartir as dúbidas que che surxan e entre tod@s che axudaremos a solucionalas.

https://www.lavozdegalicia.es/amp/noticia/sociedad/2020/03/21/recados-abuelos-hago-mayores/0003_202003S21C8991.htm

http://lindeiros.gal/bisbarra-redes-non-e-o-mesmo-axudoche/

*********************************************************************************

Carta de presentación para voluntari@s

*********************************************************************************

Información oficial do SERGAS sobre o coronavirus

https://coronavirus.sergas.gal/autotest/index.html?lang=gl-ES

*********************************************************************************

Tod@s @s voluntari@s que queirades participar podedes colocar o seguinte cartel nos vosos portais, portais dos lados, farmacia ou tenda de barrio. Trátase de EVITAR DESPRAZAMENTOS e actuar a nivel de veciñ@s.

*********************************************************************************

Protocolo de actuación da Rede Voluntaria "AXÚDOCHE"

A continuación exponse o protocolo de actuación da Rede Voluntaria "AXÚDOCHE" en dous supostos posibles: atención telefónica e realización de recados ou compras. Para calquera outro suposto, pregamos consultedes ben a través do propio grupo de whatsapp ben nos seguintes teléfonos:

• SERVIZO MÉDICO: Jesús Sueiro Justel. nº colexiado: 15/5.556. Telf: 609547147
• SERVIZO PSICOLÓXICO: Miguel Pérez Illodo. nº colexiado: G-06193. Telf.: 619208011
• SERVIZO ADMINISTRATIVO: Xosé Manuel Durán Orús. Presidente de AVV RAIGAME. Telf.: 607947795
• Email: aavvraigame@gmail.com
• Cruz Vermella: 900104971
• Teléfono de información para cidadáns sobre coronavirus: 900400116 (non chamar 061)
• Teléfono emerxencia grave: 061
• Teléfono de atención social do Concello de Santiago: 010

PROTOCOLO DE ACTUACIÓN DE MÍNIMOS

REDE VOLUNTARIA AXÚDOCHE?

Para cumplir as normas impostas polo actual Estado de Alarma, debemos ter moi presente que a nosa labor tendente a axudar cos MÍNIMOS desprazamentos e co mínimo risco para as persoas que imos axudar e para nós mesm@s.

1) Aproveitar que imos facer a nosa compra ou baixar o noso lixo para poñer o cartel no portal, na farmacia ou na tenda do barrio e explicar ás persoas que nos atenden en que consiste a nosa labor.

2) Indicar no cartel o noso nome e telf.

3) A partires dese momento o noso contacto coas persoas necesitadas será telefónico (sen contacto físico e sen saír da casa)

4) Canalizaremos as súas demandas actuando sempre co concepto de "MÍNIMOS". Mínimo contacto, mínimo desprazamento.

5) Estaremos moi atentos aos sinais de axuda e necesidade que poidamos percibir no noso vecindario.

6) Se fose preciso axudar nun recado ou nunha compra, farémolo de paso que facemos a nosa compra ou baixamos o noso lixo.

7) Se temos que facer desprazamentos máis aló do noso radio de movilidade habitual, utilizaremos esta rede voluntaria para pedir axuda a outr@s voluntari@s ou o sistema de voluntariado do Concello ou dos Servizos Sanitarios.

Por favor, lembra:

MÍNIMO CONTACTO,

MÍNIMO DESPRAZAMENTO

******************************************************************************

Iniciativa ciudadá para poñer en valor a produción local de alimentos frescos e o Comercio Local en colaboración coa Asociación NONéOMESMO

******************************************************************************

Iniciativa municipal para axudar ás persoas máis necesitadas a través do comercio local

http://santiagodecompostela.gal/hoxe/nova.php?lg=gal&id_nova=19425

******************************************************************************