21 de setembro de 2019

A cidade que queremos

"A cidade que queremos" é un proxecto da Asociación de Veciñas e Veciños Raigame en colaboración coa Cámara de Comercio de Santiago de Compostela.



Trátase dun ciclo de cinco mesas redondas coas que axudar a definir a Compostela moderna que queremos para o futuro.

Serán cinco mesas interdisciplinares nas que terán voz a cidadanía, a sociedade civil e as institucións para así ter unha visión máis rica en matices que axuden a chegar a solucións integradoras.

As mesas propostas son:

  1. O Solar de Peleteiro como dinamizador da cidade.
  2. Futuro do Comercio Local. O Comercio que queremos.
  3. Convivencia e ocio nocturno.
  4. Reurbanización e preferencia peonil na Zona Nova.
  5. Rosalía de Castro e o seu lugar de nacemento. Punto de interese cultural da cidade.
Días: 15, 29 de outubro, 12, 26 de novembro de 2019 e 14 de xaneiro de 2020.
Horario: 20:30 a 22:00
Lugar: Salón de Actos da Cámara de Comercio na rúa San Pedro de Mezonzo, 44. 

18 de setembro de 2019

Torneo de Xadrez das Cinco Sedes 2019

Coincidindo coa Festa da Zona Nova 2019, Raigame organiza o Torneo de Xadrez das Cinco Sedes 2019 en varios locais da cidade. A competición celebrarase entre o 24 e o 27 de setembro e final o sábado 28 de setembro na Praza Roxa. Ese mesmo día tamén terán lugar partidas simultáneas frente a un Mestre Internacional IM.



As Sedes participantes este ano 2019 son: Café Bar A Rosaleda, Café Bar Piñón (Conxo), Cantina Galopín, Centro Cívico O Ensanche e Escondi T.

Cada unha das persoas gañadoras en cada Sede recibirán cadanseu agasallo de parte do local anfitrión.

Inscricións: entre o xoves 19 e o luns 21 no email: aavvraigame@gmail.com.

26 de agosto de 2019

Visita á Casa da Troia e ao seu museo

O vindeiro venres 13 de setembro temos a posibilidade de visitar á Casa da Troia e o seu museo xunto con un percorrido troiano na compaña de Casimiro Barcala, o estudante troiano da novela de Pérez Lugín.




Agradecemos á Asociación de Antigos Tunos Composteláns o convite desta visita ás persoas socias de RAIGAME con un desconto sobre o prezo habitual para esta actividade.


  • Día: venres 13 de setembro
  • Hora: 20:30
  • Lugar de saída: Praza do Toural

Prezo da visita e percorrido troiano:
  • Prezo adulto: 2€/persoa
  • Menores entre 14 e 18 ano: 1€/persoa
  • Menores de 14 anos: de balde
Prazas limitadas: máximo 20 persoas

IMPORTANTE: apuntarse antes do 12 de setembro no telf: 607947795 ou no email: aavvraigame@gmail.com

19 de xuño de 2019

Asamblea Xeral AVV RAIGAME 2019

Hoxe, mércores 19 de xuño de 2019, celebrouse a Asamblea Xeral de RAIGAME no Centro Cívico do Ensanche. Este é o resumo do que fixemos durante o ano pasado e os compromisos para o que vén.
Grazas a todos @s veciñ@s que participaron e grazas tamén a todas as persoas que decidiron asociarse e colaborar con RAIGAME.







17 de xuño de 2019

Quen dixo wifi?


Este sábado 29 de xuño visita a Zona Nova máis picheleira.  Celebraremos o 1º Encontro de Xogos Populares da Zona Nova. Trátase de facer ver que tamén se pode xogar sen wifi, sen cables e sen pilas.
Colaboran con RAIGAME a Asociación de Xogadores de Chave de Santiago que instalarán un tiro de chave ao que acudirán os finalistas do Torneo da Ascensión, a Asociación Galega do Xogo Popular e Tradicional que nos mostrará unha chea de xogos tradicionais galegos que non precisan wifi. A Asociación Amigos das Póvoas de Estarreja, que nos traerán moitos dos xogos populares de Portugal.
Coa cooperativa 7H poderemos pintar un gran mural e Escolma levaranos en bici por toda a Praza Roxa.
Ademais, teremos polbeira cun desconto de 1€ para todas aquelas persoas que mostren un tícket de compra con data do 29 de xuño de 2019 cuia compra se realizara en calquera comercio da Zona Nova de Santiago. Só se admitirá un tícket por cada ración de polbo.
Participa e goza...sen wifis!!

30 de maio de 2019

Ascensión 2019 na Zona Nova


Este ano 2019 e dentro da programación das Festas da Ascensión 2019, terán lugar as seguintes actuacións na Zona Nova máis picheleira de compostela.

  • Venres 31 ás 18:30 actuación do grupo de batuke Sambiosis. Sairá da Praza de Puente Castro e fará o seu percorrido actuando ás 19:00 na rúa República do Salvador e ás 19:30 na Praza Roxa. O Grupo granadino Sambiosis é un dos grupos de batuke máis recoñecidos en europa e está na nosa cidade participando no Festival BateBatuke 2019 que se celebra no Castiñeiriño.

  • Domingo 2 de xuño. Actuación da Banda Municipal de Música ás 12:00 na Praza Roxa