ACOMPÁÑOTE?

A soidade non desexada pode ter un efecto devastador na saúde, o benestar e a calidade de vida das persoas maiores. Pode causar fatiga, problemas nutricionais, desordes do soño, enfermidades coronarias,  etcétera.

Ademais, o feito de que sexa durante a vellez cando se acumulan especialmente os procesos de perda provoca que as dificultades para adaptarse á nova situación incrementen aínda máis o sentimento de soidade.

Máis dunha quinta parte da poboación do Ensanche de Santiago ten máis de 65 anos e o 40% das persoas maiores de 85 anos viven soas. 

O proxecto “ACOMPÁÑOTE?” pretende abordar a tarefa de paliar o problema da soidade non desexada das persoas maiores do Ensanche e quéreo facer dende varias perspectivas. Busca involucrar a toda a comunidade nesa tarefa e coordenar aos posibles  voluntarias e voluntarios  en diferentes niveis de participación:

·                    Os comercios, as farmacias do barrio, etc.  que, cunha mirada respectuosa e sensible, están atentos á dinámica diaria das persoas maiores da súa contorna e, se detectan algún cambio importante, póñense en contacto con nós.

·                    As veciñas e os veciños,  achando situacións de soidade primeiro e, segundo, facendo acompañamento telefónico, por internet ou presencial para paliar este sentimento.

·                    Os Centros de Saúde e os Servizos Sociais do barrio, unha vez informados, valorando se hai que intervir ou non.

CÓMO PARTICIPAR?

Se queres axudar

Só tes que estar atento á dinámica das persoas maiores que tes preto e se detectas algún cambio no seu comportamento ou aspecto ou cres que están en situación de soidade, contacta connosco no teléfono 605458347 de luns a venres, de 09:00 a 14:00 horas ou escríbenos a mangasdefame@gmail.com ou achégate ao teu centro de Servizos Sociais e pregunta.

Se desexas axudar facendo acompañamento telefónico, por internet ou presencial para paliar este sentimento contacta connosco no teléfono 605458347 de luns a venres, de 09:00 a 14:00 horas ou escríbenos a mangasdefame@gmail.com ou achégate ao teu centro de Servizos Sociais e pregunta.

 Se vives soa ou só e precisas axuda

Contacta connosco no teléfono 605458347 de luns a venres, de 09:00 a 14:00 horas ou escríbenos a mangasdefame@gmail.com ou achégate ao teu centro de Servizos Sociais e pregunta.