Caldo de Gloria no Ensanche máis picheleiro

Estes son algúns dos restaurantes e cafeterías do Ensanche compostelán nos que poderás desfrutar dun sabedor Caldo de Gloria para quentar o espírito este mes de febreiro.

A Rosaleda (Praza Puente Castro)
https://m.facebook.com/story.php?story_fbid=1885472018229646&id=275180452592152

Galopín (rúa Fernando III)
https://www.facebook.com/287470841275245/posts/2205963242759319?sfns=mo

Krystal (Praza Roxa)

La Alacena de Cris (rúa Pintor Juan Luis-A Pontepedriña)
https://www.instagram.com/p/BuBnvWhnfbP/?utm_source=ig_share_sheet&igshid=1i2yqflabh2tm

La Codorniz (rúa Alfredo Brañas)

Triskel (rúa Frei Rosendo Salvado)
https://www.facebook.com/203322743449626/posts/618451061936790?sfns=mo

Dende a AVV RAIGAME queremos conmemorar o nacemento de Rosalía de Castro no Ensanche compostelán hai xa 182 anos na actual Praza de Vigo. Por elo, convidamos a toda a hostalería do Ensanche e de Conxo a ofrecer o Caldo de Gloria ben sexa en tapa ou no menú durante a semana do 18 ao 24 de febreiro de 2019.
Este Caldo de Gloria é o noso típico Caldo Galego nas súas variantes e cuio nome ven dado polo poema "Miña casiña meu lar" publicado en 1880 no libro "Follas Novas".

Pequenos e maiores rinden homenaxe a Rosalía no seu lugar de nacemento

Venres 22 de febreiro de 2019, ás 12 da mañá.

Achégase o 182 aniversario do nacemento de Rosalía de Castro no lugar que antes foran predios do antigo Concello de Coxo e hoxe é a actual Praza de Vigo no Ensanche compostelán.

Será unha data que imos celebrar como ben merece Rosalía.

Casa natal de Rosalía no Camiño Novo. Conxo 1917. Actual Praza de Vigo

Alí darémonos cita, este venres 22 de febreiro ás 12 da mañá, o alumnado de primaria dos colexios CEIP Plurilingüe Cardeal Quiroga Palacios e San Xosé de Cluny para lle rendir homenaxe a Rosalía coa lectura dalgúns dos seus poemas. Acompañaranos tamén a Asociación AGADEA que lle porá voz ás lembrazas que os nosos maiores teñen da antiga casa na que naceu a escritora.

Como arrancadeira desta celebración e aproveitando a visita a Compostela de María Xesús Lama, premio Nacional de Ensaio 2018, o sábado 26 de xaneiro ás 12 da mañá no Centro Cívico do Ensanche falaranos das súas achegas á biografía da nosa escritora como muller comprometida.

Falaranos de Rosalía de Castro e do seu lugar de nacemento. Pero tamén nos dirá que foi unha muller comprometida coa sociedade do seu tempo, independente e defensora da liberdade, da igualdade e da xustiza social. Aspectos novidosos da súa figura e que constitúen as achegas máis importantes que María Xesús Lama fai no seu libro "Rosalía de Castro. Cantos de Independencia e Liberdade". Libro que a fixo merecedora do "Premio Fervenzas Literarias 2017" e do Premio Nacional de Ensaio 2018.

O luns 28 de xaneiro visitará os colexios CPR Plurilingüe San Xosé de Cluny e o CEIP Plurilingüe Cardeal Quiroga Palacios. Falaralle ao alumnado da figura de Rosalía de Castro e do seu lugar de nacemento para que despois fagan un traballo didáctico que rematará o venres 22 de febreiro coa lectura pública de varios dos seus poemas diante do monolito que conmemora o seu nacemento a carón da Praza de Vigo.

María Xesús Lama (Lugo 1964) estudou Filoloxía Galego-Portuguesa e Filoloxía Hispánica

na USC. Doctora pola Universidade de Barcelona no 2002, na actualidade é profesora titular de Literatura Galega nesta Universiade.

Amancio Prada canta a Rosalía

Este sábado 23 de febreiro de 2019, ás 21 horas na Igrexa de San Fernando do noso Ensanche Compostelán, En compaña de violonchelista Rafael Domínguez, Amancio Prada ofreceranos un inesquecible tributo á nosa máis senlleira veciña.

Programa:

• Como chove miudiño
• Pra A Habana
• Airiños, airiños, aires
• Campanas de Bastabales
• Paseniño, paseniño
• ¿Que pasa arredor de min?
• Corre o vento, o río pasa
• Vamos bebendo
• Cando era tempo de inverno
• A xusticia pola man
• Adivínase el dulce y perfumado
• Maio longo, maio longo
• Ya que de la esperanza
• Quen non xime?
• Un repoludo gaiteiro
• Algúns din: !Miña Terra!
• Negra sombra
• Adios ríos, adios fontes

Amancio Prada: música, voz e guitarra

Rafael Domínguez: violonchelo

Ven tocar a Alborada a Rosalía

O vindeiro domingo 24 de febreiro de 2019 ás 11 da mañá convidamos a toda a veciñanza da cidade a tocar e cantar a alborada no seu lugar de nacemento na actual Praza de Vigo (futura Praza de Rosalía de Castro) para celebrar o 182 aniversario da nosa máis universal escritora.