13 de setembro de 2018

Vivindo O Ensanche 2018

O día 22 de setembro temos a nosa Festa "Vivindo O Ensanche 2018". Celebramos que somos un barrio cheo de vida porque, se hai algo que fai grande a unha cidade, somos as persoas que nela vivimos e as boas relacións que haxa entre nós.
Ven ao Ensanche e vai "de rúa en rúa". Descubre o que teñen para ti os establecementos colaboradores. Participa no "Torneo de Xadrez das 8 Sedes" ou no Obradoiro de Prensa para Escolares. Asiste á mesa redonda sobre "Rosalía no seu barrio natal" e o sábado 22 achégate á Praza Roxa a disfrutar da música, os xogos populares, a final do Torneo de Xadrez, ás exhibicións deportivas e do polbo á feira. E como traca final...ás 19h asiste ao sorteo de 10 cheques de 100€ para comprar nos establecementos colaboradores. Se queres participar ou ter máis información, escríbenos a: aavvraigame@gmail.com

De "Rúa en Rúa". Visita os establecementos do Ensanche e descubre quen é o persoeiro que lle dá nome á túa rúa. Poderás gañar un cheque de 100€ de compras no Ensanche. O día 22 de setembro ás 19h , na Praza Roxa, sorteamos 10 cheques de 100€ entre todas as persoas que estean presentes ese día e cubriran correctamente o cuestionario de 5 preguntas que poderedes solicitar, dende o luns 17, en todos os establecementos colaboradores. Tamén podedes acceder á na nosa páxina de Facebook e cubrilo on-line a partir do luns 17.  
O coñecemento do teu barrio ten premio. Hai máis de 1.000€ en compras!!!

"Torneo de Xadrez das 8 sedes". Inscríbete en aavvraigame@gmail.com e participa. Gran Final o día 22 de setembro na Praza Roxa.

Esperámoste o día 22 de setembro na Praza Roxa. Haberá música, xogos, exhibicións deportivas e...polbeiro!!!!

Ningún comentario: