16 de febreiro de 2022

Semana de Rosalía - Convite á rolda de prensa na que se comunicará aos medios os actos que durante esa semana terán lugar en Santiago de Compostela

Convidámosvos á rolda de prensa na que se comunicará aos medios a celebración da Semana de Rosalía e os actos que durante esa semana terán lugar en Santiago de Compostela.
Ditos actos están organizados pola Asociación Veciñal RAIGAME coa colaboración da Fundación Rosalía e o patrocinio do Concello de Santiago de Compostela.
A citada rolda de prensa será o venres 18 de febreiro ás 11h no Centro Sociocultural do Ensanche na rúa Frei Rosendo Salvado, 16. A ela están convidados o Presidente da Fundación Rosalía de Castro, a Concelleira de Cultura do Concello de Santiago de Compostela, a Presidenta da Asociación EmRede, o Presidente da Asociación Comercio.Compostela, o Presidente da Asociación Hostalería.gal, o Presidente da Asociación de Hostelería Compostela e o Presidente da Asociación Raigame.

PROGRAMA:
  1. Mércores día 23 ás 11H na Praza de Vigo (lugar de nacemento de Rosalía de Castro) acontecerá a ofrenda floral a Rosalía e a lectura coral de poemas de Rosalía por parte dos escolares dos colexios Quiroga Palacios e Cluny.
  2. Agasallo de marcapáxinas, pousavasos e portatikets cun poema de Rosalía por parte do comercio local e establecementos de hostalería a todos os seus clientes. Isto terá lugar en 105 establecementos asociados a Asociación Comercio.Compostela, EmRede, Hostalería.gal e Hostelería Compostela. Do 21 ao 27 de febreiro.
  3. Ofrecemento do Caldo de Gloria ben como tapa ben como oferta do menu por parte de 36 establecementos asociados as Asociacións Hostalería.gal e Hostelería Compostela. Do 21 ao 27 de febreiro. Para ver detalles da oferta e establecementos participantes: consultar as webs das distintas Asociacións de Hostalería.
Apertas Rosalianas
AVV RAIGAME

Ningún comentario: