Balance do 2025 e desexos para 2026

Se temos que resumir o 2025 diríamos que o camiño que iniciamos para defender os nosos dereitos e o traballo realizado por mellorar a convivencia na Zona Nova deu os seus pequenos froitos. Pero quedan outros moitos por colleitar no 2026.

Pero dúas cousas quedaron claras este pasado ano: que os nosos dereitos hai que defendelos e que os problemas que non se visibilizan non existen.

Os dous pequenos froitos foron as dúas resolucións do Departamento de Disciplina Urbanística do Concello de Santiago. 

A primeira resolución veu en marzo despois de dous anos de incomprensibles e desesperantes trámites administrativos, que de pouco lle valeron ao veciño que interpuxo denuncia ao Guayaba polos ruídos xenerados por este negocio de ocio e que non lle permitían durmir. A el non lle valeu de moito xa que tivo que marchar polo insoportable que se lle fixo vivir enriba. Pero sentou precendente para todos nós xa que este traballo lento finalmente deu os seus froitos. Lamentablemente o dono do Guayaba optou por pechar as portas deste emblemático negocio de ocio no canto de acometer as obras necesarias para cumprir a normativa.

A segunda resolución chegou onte 30 de decembro. Esta obrigaba a empresa a retirar a pantalla luminosa instalada na rotanda da Pontepedriña. A veciña que interpuxo a denuncia tivo que insistir repetindo a denuncia ata tres veces e así conseguir que lle fixeran caso e obrigar ao Departamento de Disciplina Urbanística a actuar.

Outro exemplo de resistencia foi tamén o conseguido pola AV Río Sarela na defensa dos dereitos da veciñanza frente ás graves molestias e ruídos xerados polo negocio de ocio Malatesta.

Ou o logro conseguido pola AV Fonseca na defensa dos dereitos dunha veciña da Algalia de Arriba contra os ruídos xerados pola Pub Lío que rematou tamén co peche deste negocio por incumprimento da normativa e dun dereito fundamental.

Son exemplos de resistencia que acaban dando os seus froitos e que nos mostran cal é o camiño a seguir.

Finalmente temos que recoñecer que o modelo de negocios de ocio que utilizan a rúa coma unha extensión gratuita dos seus locais, son incompatibles con unha zona residencial. 

E que este tipo de situacións se dean hoxe en día habendo normativas municipais que o regulan, só se pode explicar pola inacción das autoridades competentes en facelas cumprir.

Esperemos que o 2026 tamén nos dea outros froitos en beneficio da convivencia da Zona Nova e da nosa cidade.  

Desexamos que neste novo ano se cumplan os vosos desexos e tamén os vosos dereitos.

AV Raigame

Conto de Nadal dende a eterna Zona Nova compostelá

Seguramente non será doado crer o que vos vou contar, a non ser que sexades de andar de festa máis aló das 4 da madrugada ou residades nalgún dos 11 puntos negros da miña xeografía

Sexa coma for, todo o que aquí vos conto está nas hemerotecas da prensa local.

A pesar de ter cumpridos xa os 65 anos e de que o 24% da miña poboación supera esta idade, sigo sendo nova porque a miña poboación segue a ser nova, na súa maioría.

Nacín co Babyboom dos anos 60, un pouco ás présas coma así reflexa a calidade das miñas construcións.

Aquí investiron os seus aforros moitos emigrantes das comarcas limítrofes a Compostela cando comezaba a estar de moda investir en cemento. Moda que nunca cesou.

Aquí tamén comezaron vivindo os seus soños moitos de aqueles 40000 estudantes universitarios que axudaron a crear o ambiente xuvenil e de negocios de ocio nocturno arredor desta poboación flotante que durante os meses de verán voltaban aos seus fogares familiares para regresar co inicio do curso académico e no que, en moitos casos, reservaban os pisos dun curso para outro.

Pasei unha mala época coa circulación da heroína polas miñas rúas. Corrían os loucos anos 80 e a droga fixo anacos moitos de aqueles soños xuvenís. Pero foi a presión veciñal da rúa Nova de Abaixo e as súas protestas veciñais as que fixeron posible o nacemento da Asociación Veciñal RAIGAME. Daquela convulsa época foi tamén a creación da bridada nocturna da policía local para frear os graves problemas de inseguridade cos que tivemos que convivir naquela época.

Foron pasando os anos e aqueles pisos foron envellecendo xunto cos seus edificios e cuxos propietarios non os foron reformando coa velocidade que as novas xeracións demandaban, o que fixo que moitos universitarios foran buscando outras residencias fóra da Zona Nova. Pisos novos en Conxo, no Castiñeiriño ou en Santa Marta. Incluso moitos teñen que buscar agora piso no veciño concello de Ames ante a falta de oferta de aluguer estudantil. Á pouca oferta temos que sumarlle tamén o elevado prezo dos alugueiros e o aumento dos pisos turísticos cunha rendibilidade máis alta  que o uso residencial de media ou longa duración, o que fai que teñamos maís de 1000 pisos turísticos na cidade.

Nos últimos anos vivimos a chegada dunha nova poboación extranxeira para quen a Zona Nova resultou máis acaída que outras ao ter pisos grandes nos que poder vivir familias tamén máis numerosas.

Esta nova poboación axudou a rexuvenecer novamente a Zona Nova onde moitas destas persoas traballan por conta propia collendo traspasos de bares e cafetarías, instalando bazares, perruquerías ou negocios de alimentación. Outras moitas traballan por conta allea na hostalería ou no reparto con empregos precarios e salarios máis baixos que os habituais. Outras coidan dos nosos maiores, normalmente sen asegurar, nunha situación económica moi precaria.

Unha poboación que se incrementou na cidade un 60% dende o ano 2021 e que fixo que a cidade superara os 100.000 habitantes por primeira vez na súa historia e na que un 25% é maior de 65 anos.

A vida nocturna

Pero a vida nocturna segue na actualidade cos seus máis de 15 negocios de ocio nocturno, para desgusto da veciñanza que ten que sufrir os ruídos e molestias que este tipo de negocios ocasiona na súa vida diaria.

Temos que lembrar o caso da batalla campal protagonizada por 2000 persoas nun ¨botellón¨ organizado ás portas do Ruta no 2021 ou os graves problemas e disturbios dese mesmo ano que tivo que soportar a veciñanza da discoteca La Facultad en Alfredo Brañas, cuxo nivel de ruído superaba ata 20 veces o nivel límite. Neste caso tivemos que asistir atónitos como o persoal técnico do Concello de Santiago xustificou ao propietario do negocio no xuízo para reducir o aforo deste local de 711 a 400 persoas, xuízo que gañaron as Comunidades demandantes. Pero o custo desta situación pagárona aquelas veciñas que vivían enriba desta discoteca que tiveron que mudarse para poder durmir. Ese tamén foi o caso de Alicia na rúa Santiago de Chile polos ruídos de dúas residencias de estudantes arredor da súa vivenda. Ou Eduardo na rúa Nova de Abaixo por mor dos ruídos xerados polo Guayaba que tiña debaixo. Estes son algúns dos moitos outros casos que seguen a acontecer, coma o de Carme enriba do Gabanna ou Xaime e Andrea enriba do Blaster. Por non falar da veciñanza e comerciantes que viven e traballan arredor de La Grandota a onde os taxistas non acoden de madrugada pola perigosidade que supón a zona de Santiago de Chile e Fernando III O Santo.

A agresividade e o consumo de droga aumenta

Creo que todos somos conscientes do aumento da agresividade na poboación dende a pandemia. Agresividade que se torna moi violenta de madrugada cando xa se consumiu demasiado alcohol e outras drogas. Este grao de violencia vén a incrementar os problemas de ruídos e altercados que xa viñamos sufrindo anos atrás pero que ultimamente están collendo unha nova dimensión como reflexan as agresións a un camareiro na Praza Roxa en maio de 2025 ou as batallas campais acontecidas este outubro neste mesmo lugar e dous días despois ás portas do Guayaba. Ao que temos que sumar as agresións sufridas por un dependente do 24H O de Sempre este pasado mes de novembro. Situación que se reflexa no recente informe publicado do Ministerio do Interior no que constata o incremento de lesións e leas tumultuarias en máis dun 43% no último ano ou o aumento dos roubos en establecementos comerciais que se incrementou nun 25%.

A este escenario de violencia crecente temos que sumarlle o incremento do tráfico de drogas e recentemente tamén a incremento no consumo de heroína. Lembramos a famosa “Operación Barrido” de 2020 que se saldou con 14 acusados por tráfico de drogas. A finais do 2022 fomos espectadores da redada antidroga na Cervexaría La Jarra onde incautaron un coche cargado de cocaína nun aparcadoiro próximo. Ou a operación policial deste novembro de 2025 nos negocios de ocio nocturno Stilo e TNT onde se incautaron drogas e numerosas armas brancas.

Pero seguimos asistindo impotentes ao tráfico de drogas en pisos do nº 5 de Santiago de Chile ou no nº 6 de Alfredo Brañas e en varias lavandarías e garaxes do Ensanche compostelán con chamativa impunidade.

Ocio vandálico. Unha nova modalidade de desfase.

Pero un novo problema se está a instalar na Zona Nova e espallándose a outras partes da cidade. Unha nova modalidade na que a rúa se converte nunha extensión gratuíta e impune dos negocios de ocio a onde botar ás persoas violentas ou que consomen drogas no interior dos locais. Para evitar estas responsabilidades penais os negocios de ocio aumentaron o seu persoal de seguridade que é o encargado de expulsar aos violentos e conflitivos.

Por iso, somos a veciñanza quen tén que padecer e custear os disturbios, problemas e ruídos ocasionados por un público alcoholizado e drogado e ante os cales os donos destes negocios non teñen ningunha responsabilidade do que fagan os seus clientes ás portas dos seus locais.

No 2022 asistimos á pelexa entre un peruano, un colombiano e un senegalés a carón do after TNT no que os tres individuos resultaron gravemente feridos polos cortes sufridos con botellas rotas.

No 2023 o barrio quedou conmocionado cando faleceu un mozo dominicano acoitelado por outros dous mozos colombianos ás portas da discoteca La Grandota. Poucos días despois un mozo dominicano acoitela a outro ás portas da discoteca Vanitas e no mesmo mes de xaneiro e no mesmo local, un mozo compostelán ingresa no hospital por ser agredido por outro cun vaso.

En maio de 2023 un menor marroquí resulta acoitelado na Alameda durante as Festas da Ascensión dese ano.

O mes pasado un mozo compostelán acoitela a outro rapaz na Alameda causándolle feridas graves.

Estes son algúns dos casos que transcenderon á prensa.

 

 

O Stilo e o TNT relevan á Tita

O lamentable historial de altercados de La Tita foi superado con creces polos seus descendentes cando este famoso after de Romero Donallo pechou as súas portas en 2016.

No 2017 e ante as molestias ocasionadas por máis de 20 persoas concentradas ás portas do bar Stilo, unha redada policial con máis de 30 axentes sáldase con sete persoas denunciadas por posesión de drogas e dous menores por consumo de alcohol no seu interior, o que ocasionou a imposición dunha sanción aos propietarios deste negocio.

En 2019 volve ser obxecto de denuncias veciñais que reclaman a presenza policial polos desfases cometidos pola súa clientela na rúa e a primeiras horas da mañá.

Despois do peche obrigado da pandemia, no 2022 unha nova pelexa protagonizada por un español, un uruguaio e un dominicano no interior do local, trasládase á rúa e cesando unha vez que se presentou a policía.

No 2024 ante unha lea multitudinaria, a veciñanza volve a reclamar a presenza policial na que ningún dos implicados interpuxo denuncia.

En novembro de 2025, unha redada policial nos bares Stilo e TNT sáldase con varios detidos por posesión de drogas e a incautación de numerosas navallas e coitelos.

Isto é só a punta do iceberg dun problema de moita máis grande dimensión que está a degradar a Zona Nova e do cal as autoridades políticas e policiais son ben coñecedoras.

Se lle sumamos a impotencia policial e a pasividade da alcadía, teremos unha explicación bastante certeira do porqué desta situación. No entanto tamén é evidente cal é a solución.

 

https://www.elcorreogallego.es/galicia/2016/12/05/clausuran-pub-tita-motivos-tecnicos-110268637.html

 

https://www.lavozdegalicia.es/noticia/santiago/santiago/2023/01/04/fallece-hombre-apunalado-trifulca-santiago-compostela/00031672832536479445633.htm

 

https://www.abc.es/espana/galicia/herido-menor-acuchillado-madrugada-santiago-compostela-20230108113858-nt.html

 

https://www.elcorreogallego.es/santiago/2023/01/29/herido-joven-impactarle-vaso-cara-109679175.html

 

https://www.elcorreogallego.es/santiago/2025/09/12/piden-cuatro-anos-prision-joven-rompio-vaso-cara-otro-suceso-agresion-santiago-discoteca-vanitas-121496873.html

 

https://www.elperiodico.com/es/sucesos/20251201/joven-apunalo-santiago-queda-libertad-124329541

 

https://www.lavozdegalicia.es/noticia/santiago/santiago/2022/05/07/ano-medio-carcel-mujer-partio-brazo-pelea-bar-stilo-santiago/00031651927330384887280.htm

 

https://www.lavozdegalicia.es/noticia/santiago/santiago/2023/05/20/policia-nacional-detiene-menor-apunalamiento-chico-14-anos-fiestas-ascension-santiago/00031684572232464154507.htm

 

https://www.elcorreogallego.es/videos/santiago/2025/06/16/tres-detenidos-agresion-camarero-plaza-roja-118663826.amp.html

 

https://www.elcorreogallego.es/santiago/2025/11/16/cliente-revienta-madrugada-nariz-dependiente-tienda-24-horas-santiago-ensanche-123762322.html

 

https://www.elcorreogallego.es/santiago/2025/10/08/vecinos-ensanche-santiago-pediran-adelantar-hora-cierre-ocio-nocturno-peleas-pubs-discotecas-agresiones-heridos-122383367.html

 

https://www.lavozdegalicia.es/noticia/santiago/santiago/2025/01/20/catorce-acusados-trapicheo-drogas-santiago-aceptan-penas-dos-cuatro-anos-medio-carcel/00031737390193820431574.htm

 

https://www.lavozdegalicia.es/noticia/santiago/santiago/2020/12/18/policia-nacional-asesta-gran-golpe-trapicheo-drogas-santiago-elimina-catorce-puntos-venta/00031608278393024749731.htm

 

https://www.g24.gal/-/a-policia-identifica-cen-persoas-nunha-operacion-contra-o-trafico-de-estupefacientes-en-santiago

 

https://www.elcorreogallego.es/santiago/2025/12/03/santiago-supera-100-000-habitantes-124372827.html

 

https://www.lavozdegalicia.es/noticia/santiago/2025/04/01/santiago-consume-tanta-cocaina-hamburgo-lisboa-zagreb/0003_202504S1C1991.htm

 

https://www.elcorreogallego.es/galicia/2016/12/05/clausuran-pub-tita-motivos-tecnicos-110268637.html

 

https://www.lavozdegalicia.es/amp/noticia/santiago/santiago/2022/08/03/vuelta-andadas-torno-bar-stilo-fernando-iii-pelea-detenido/0003_202208S3C2998.htm?utm_campaign=amp

 

https://www.elcorreogallego.es/santiago/2024/09/23/amplio-despliegue-policial-rina-pub-108456091.amp.html

 

https://www.lavozdegalicia.es/noticia/santiago/2019/12/28/stilo-after-desfase-sexo-calle/0003_201912S28C3991.htm

 

https://www.lavozdegalicia.es/amp/noticia/santiago/santiago/2022/08/03/vuelta-andadas-torno-bar-stilo-fernando-iii-pelea-detenido/0003_202208S3C2998.htm?utm_campaign=amp

 

https://www.lavozdegalicia.es/noticia/santiago/2025/11/21/operacion-policial-ensanche-santiago-contra-trafico-estupefacientes/00031763711071705572996.htm

 

https://www.elcorreogallego.es/santiago/2025/11/21/operacion-policial-ensanche-trafico-estupefacientes-123962235.html

Asociación Veciñal RAIGAME exixe á alcaldía do Concello de Santiago que controle o cumprimento das licenzas, dos aforos, dos horarios e dos limitadores de son dos bares que traballan coma afters, pubs e discotecas, especialmente nestas Festas. 

Temos que lembrar que durante estes días, numerosos negocios de ocio infrinxen as normativas e ordenanzas municipais amparadas polas súas licenzas.

Exiximos tamén un Plan Especial de vixiancia e seguridade nas rúas para que non se repitan as escenas de menores consumindo alcohol ás portas destes negocios de ocio coma o pasado día 24 así coma as escenas de violencia que estamos a sufrir nos últimos anos, especialmente por estas fechas.

Menores consumindo alcohol na vía pública no tardeo do 24 de decembro de 2025

Según datos da Enquisa sobre Uso de Drogas en Ensinanzas Secundarias en España en mozos e mozas entre 14 e 18 anos, os adolescentes comezan a consumir alcohol aos 14 anos de promedio e que o 75,9% dos xóvenes entre 14 e 18 anos bebeu alcohol algunha vez.

A Lei atribúe aos Concellos competencias para facer cumprir estas ordenanzas municipais así coma o control da violencia e consumo de alcohol na vía pública cuxa infracción está penada con ata 3000€. Para aqueles negocios de ocio que vendan alcohol a menores, está castigado con multas de ata 15000€.

QUE PODES FACER TI?

Campaña informativa sobre inseguridade, ruídos e tráfico de drogas

Dende a Asociación Veciñal RAIGAME queremos poñer fin aos crecentes problemas de inseguridade, ruídos e tráfico de drogas que van invadindo O Ensanche e prexudicando a nosa calidade de vida. Coa túa colaboración podemos conseguilo.

Dende AV RAIGAME agradecemos que axudes a distribuílo entre a veciñanza e o comercio local.

Descargar folleto informativo

 

OCIO VANDÁLICO E DROGAS

AS DÚAS CARAS DUN PROBLEMA SOCIAL

Nos últimos anos estamos asistindo a un modelo de ocio nocturno moi violento que se manifesta en apuñalamentos ou pelexas multitudinarias ás portas de determinados locais de negocio do ocio nocturno.

Temos observado coma estes negocios atraen a persoas alcoholizadas e drogadas cuxa expresión máxima de violencia ten lugar ás portas de estes establecementos xa que son expulsadas do seu interior. Observamos tamén como arredor destes lugares proliferan outros negocios en pisos e locais, coma o tráfico de drogas, que se aproveitan deste público alcoholizado e drogado.

Ás molestias de ruídos exaxerados xerados nestes locais temos que sumarlle os comportamentos incívicos de todo tipo xerados na vía pública. Ata o punto de que os taxistas non acudan a estes lugares a partires das 4 de mañá por consideralos perigosos.

A veciñanza ten informado de incidentes repetidos de estas características en 10 puntos da Zona Nova que están en mans de 7 empresarios deste tipo de negocio.

Un total de 15 establecementos de ocio só na Zona Nova que a partires da hora de peche botan á rúa a centos de persoas, moitas delas bébedas, que deambulan polo barrio en busca dos 2 afters que actúan como recolledores. Cremos que todos somos conscientes que non hai policía suficiente para controlar semellante situación.

Stilo, TNT e La Grandota son os negocios que máis incidentes comunican. Pero tamén Guayaba, Vanitas, Gabbana, O de Sempre, Circus, The Capital e Blaster. Así como tamén pisos onde se trafica con droga a todas horas do día e da noite. O nº 5 da rúa Santiago de Chile é un exemplo de aparente impunidade.

Cremos que non seríamos xustos se víramos só un problema de orde pública e culpabilizáramos unicamente ás persoas alcoholizadas e drogadas.

Cal é a responsabilidade de estes 7 empresarios que obteñen o seu beneficio económico do consumo nos seus negocios ata altas horas da madrugada? En Francia e no País Vasco os empresarios destes locais son responsables do que fagan os seus clientes diante dos seus establecementos.

Sen embargo, os custos dos servizos sanitarios, policiais, de limpeza e os destrozos ocasionados no mobiliario público ten que sufragalos a veciñanza que os padece.

A isto hai que sumarlle a percepción de inseguridade a consecuencia das repetidas agresións, roubos, ruídos descontrolados, pelexas multitudinarias e actos vandálicos.

Exiximos como primeira medida o cumprimento da lexislación vixente en materia de licenzas, horarios, aforos e control dos sonómetros instalados en todos os locais de ocio nocturno da cidade.

En segundo lugar, exiximos a erradicación dos puntos de venta de drogas estendidos pola cidade.

Entendemos que debe actuarse a nivel de toda a cidade para non levar o problema a outros barrios.

Anunciamos que imos xudicializar as denuncias e pedímoslle á veciñanza que nos contacte para formalizar as denuncias correspondentes.

Tamén pedimos que aquelas persoas que padecen algún tipo de patoloxía agravada pola situación de ruídos e molestias ocasionadas por determinados negocios de ocio, acudan ao seu médico e soliciten informes da súa situación.

Con todo, poden contactar coa Asociación Veciñal RAIGAME a través do email: aavvraigame@gmail.com

Intervención no Pleno Municipal do 30 de outubro de 2025

 AV RAIGAME

Levamos 10 anos loitando por unha modificación do PXOM no solar do Peleteiro. Unha modificación xusta para a veciñanza do barrio e para a cidade. 

Aló polo 2015 fomos a Asociación máis activa na formación da chamada Comisión Mixta que, por certo, nunca existiu para o actual goberno municipal nin para a súa alcaldesa. 

Xa daquela exixíamos equipamentos sociocomunitarios xustos e demandábamos se liquidara unha débeda histórica que os sucesivos gobernos municipais tiveron sempre co barrio máis densamente poboado da cidade. Aí están as hemerotecas para demostrar a nosa demanda. 

Un Centro de Día, unha gardería, unha biblioteca, espazos para a conciliación familiar, para as asociacións da cidade e para actividades do comercio local, e sobre todo, recuperar a actividade cultural que tiña a Zona Nova coa desmantelada Aula de Cultura da Carreira do Conde. 

No 2019 sumamos unha nova demanda cando a veciñanza de Rep. Arxentina nos pediu axuda e á cal se sumou a veciñanza da Rosa. Demanda que consideramos xusta porque se algo debe defender unha asociación Veciñal é aos seus veciños. Un total de 6 Comunidades de propietarios que presentaron alegacións á actual modificación do PXOM. 

Pero sempre tivemos a sensación de que en todas as sucesivas propostas de reforma do PXOM, o goberno  municipal sempre estivo de parte da propiedade da parcela e en contra dos intereses da veciñanza e da cidade. E coma se dunha loita de trincheiras se tratara, en cada nova reforma fomos gañando metros por Rep. Arxentina e rebaixando metros pola Rosa. 

Ao longo de todo este tempo aquí estades presentes moitas das persoas que participastes nesta lide. Algunhas expresastes os vosos intereses dende o principio e non os ocultastes. Outras, sen embargo, finxistes apoiar á veciñanza cando estabades na oposición para despois traizoala cando chegastes ao goberno.  

E a traizón é o que máis nos doe. Non pola traizón en si, que tamén, se non porque con ela mostrades unha total e absoluta falta de respecto á veciñanza que  a fin de contas é quen vos pon e quen vos quita destas cadeiras. 

Pero aínda hai algo peor, e é que hoxe somos nós os traizoados. Outro día serán outros veciños se así o ditan os vosos intereses. Despois disto, será difícil que poidamos confiar en vós. 

Pero se temos que mirar cara  adiante, da mesma maneira que se fixo cos Cines Fraga en Vigo, exixímosvos que esteades á altura da veciñanza desta cidade e, se fose necesario, vos poñades de acordo Deputación, Concello e Xunta para adquirir os locais suficientes da nova edificación para que aí se instalen os equipamentos sociais que tantos anos levamos demandando. 

Agora, só pediros que votedes en conciencia.

 

COMUNICADO DA PLATAFORMA DAS COMUNIDADES AFECTADAS POLO PLAN PELETEIRO

Foto da manifestación veciñal e corte de tráfico en maio de 2022. Nela podemos ver á esquerda ao actual edil responsable da recollida do lixo, vías e obras Xesús Domínguez. Á dereita as edís Jorge Duarte e Marta Lois. A actual alcadesa Goretti Sanmartín tamén estivo presente.

Á dereita da foto, as actuáis edís María Rozas e Xan Duro

Considerando as manifestacións realizadas pola alcaldesa Goretti Sanmartín e a ministra de vivienda Isabel Rodríguez o pasado mes de xuño anunciando o traspaso da parcela Peleteiro á nova Empresa Pública de Vivenda, entendemos que o interés lucrativo e especulativo da empresa propietaria da SAREB xa non se dá.

Sendo isto certo, entendemos que deberían ser prioritarias a vivenda pública e a dotación sociocomunitaria, así coma un maior espazo público e zonas verdes coma refuxio climático. Tamén un menor volume da edificación para non cometer os mesmos erros monstruosos da construción do Ensanche compostelá dos anos 70.

Cremos moi importante considerar a nula dotación sociocomunitaria que padecemos dende hai décadas nunha das zonas máis densamente poboadas da cidade. Agora temos a posibilidade de resarcir una débeda histórica que o Concello ten co noso barrio.

As mesmas dotacións públicas definidas no 2005 que xa as considerábamos irrisorias hai 20 anos; 900 m2 para equipamento sociocomunitario e 1.395 m2 para espazo libre son as dimensións que hoxe se contemplan no Plan.

Dende a Plataforma de Afectados consideramos imprescindible o seguinte equipamento sociocomunitario:

· Un Centro de Día dimensionado ás necesidades do noso barrio. Unha Zona Nova caracterizada por una medía de idade alta que precisa de equipamentos xustos.

·   Unha gardería e espazos para a conciliación familiar cos que manter a poboación máis nova e atraer a máis veciñanza.

·       Unha biblioteca pública

·   Salas de reunións versátiles para o tecido asociativo e comercial da cidade así como espazos de exposición para actividades de dinamización do comercio local.

·    É de lei a restitución das actividades culturais que hai anos se desenvolvían na Aula de Cultura da Carreira do Conde e que se desmantelaron. Exiximos que se recupere esa actividade cultural na Zona Nova para frear a degradación do barrio. Estamos convencidos que sería un gran motor de dinamización social e tamén para o comercio local e a hostalería máis respectuosa cunha zona residencial.

·       Unha praza pública suficientemente ampla que actúe coma refuxio climático e zona verde nun barrio carente de zonas verdes.

Solución arquitectónica proposta e máis xusta para todas as partes afectadas

Tamén consideramos una falta de respecto por parte da alcaldesa e do concelleiro de urbanismo a nula información a esta Plataforma que presentou alegacións por parte de 6 Comunidades de Propietarios e 1 familia particular. Temos que lembrar que tamén actuaron do mesmo xeito na anterior ocasión. Feitos que esta Plataforma considera unha traizón xa que cando estaba na oposición expresou publicamente que nunca aprobaría un Plan que non fora antes consensuado coa veciñanza directamente afectada.

Que as modificacións anunciadas  o pasado venres 24 de outubro son puramente de maquillaxe xa que non supoñen ningunha modificación substancial.

Que considerando o anunciado traspaso da parcela Peleteiro á Empresa Pública de Vivenda, non hai nada que impida que todos os baixos da futura edificación sexan destinados a equipamento sociocomunitario. Que a futura praza pública sexa verde e de maiores dimensión, que haxa a máxima vivenda protexida posible e que o volume da edificación respecte ás Comunidades da Rosa e Rep. Arxentina.

Con todo, queremos chamar a atención de toda a Corporación Municipal, que se expresará democráticamente este vindeiro xoves 30 de outubro, que teñen nas súas mans a posibilidade de facer algo xusto e necesario polo futuro do Ensanche e da cidade.

 

VIOLENCIA, DROGAS E ALCOHOL NA ZONA NOVA COMPOSTELÁ

Un problema social en aumento

 

Coma resumo do tratado e acordado na reunión veciñal do pasado luns día 13 de outubro, temos que dicir que constatamos coma se está contaxiando por toda a cidade un modelo de negocio de ocio nocturno onde uns poucos empresarios sen escrúpulos fan da rúa unha extensión gratuíta dos seus locais a onde botar aos violentos e onde o trapicheo de drogas faise sen que ninguén llelo impida. E isto faise ás portas destes locais e ata ben entrada a mañá e a plena luz do día.

Temos comprobado que menos do 2% do sector da hostalería causa o 98% das queixas veciñais. Un sector que na súa maioría cumpre a legalidade e cuxa reputación é manchada por unha minoría de empresarios neglixentes do negocio do ocio que actúan ao marxe da legalidade atentando contra os dereitos fundamentais da veciñanza, cousa penalmente punible.

Observamos como a partires das 4 da mañá, debido á mestura de alcohol e drogas, o nivel de violencia é extremo e os donos destes locais do negocio do ocio nocturno botan aos violentos á rúa onde teñen lugar as pelexas, os acoitelamentos e incluso a violencia contra as mulleres.

Só hai que ver a prensa dos dous últimos anos para darse conta que isto vai en aumento.

Este modelo de negocio conflitivo fixo que arredor destes locais crecera unha serie de negocios turbios que se aproveitan deste público alcolizado e drogado. Estamos a falar do tráfico de drogas.

Despois veñen os roubos a comercios por parte dos drogodependentes que necesitan diñeiro para consumir chegando a agredir incluso a veciños e comerciantes que na maioría dos casos non presentan denuncia por medo a represalias.

Por exemplo, no n°5 da rúa Santiago de Chile, hai un piso de traficantes e os veciños viven aterrados porque reciben ameazas para silencialos. Un tráfico de drogas que aumentou moito na Zona Nova nos últimos meses despois de que a presión social do Barrio de Santa Marta obrigara á intervención policial sobre dous pisos de traficantes e a distribución de drogas se trasladara ao noso.

O custo social e económico é moi grande. Custo social porque a percepción de inseguridade na que vive a veciñanza é cada vez maior e o medo vaise impoñendo.

O custo económico é enorme para a nosa cidade con propiedades que poden perder o seu valor ante o declive comercial e residencial desta zona da cidade.

  

RECOMENDACIÓNS E EXIXENCIAS:

 

• Á veciñanza pedímoslle que visibilice as pelexas, apuñalamentos e o trapicheo de drogas. Que grave vídeos e os comparta con nós e cos seus amigos e achegados. Porque un problema que non se visibiliza non existe.

• Aquelas persoas que sufren os ruídos de locais do negocio do ocio nocturno ou de pisos ruidosos, recomendámoslles que presenten denuncia por escrito ante o departamento de Disciplina Urbanística do Concello: https://sede.santiagodecompostela.gal/sta/CarpetaPublic/doEvent?APP_CODE=STA&PAGE_CODE=CATALOGO&DETALLE=6269000926179400599500&lang=ES

• Aquelas persoas que teñen informes médicos que avalen a súa situación por non poder durmir, ou pola ansiedade que lles provoca vivir en condicións de angustia e inseguridade continúa, que actúen penalmente contra os causantes, sexan pisos ou locais de negocio do ocio nocturno. Trátase dunha vulneración dun dereito fundental e como tal é penalmente punible. Este custo pode estar cuberto polo seguro de vivenda que se teña contratado. Aquel dereito que non se defende nos tribunais non existe.

 

• Aquelas Comunidades de Propietarios que sufren problemas de convivencia, recomendarlles que actúen legalmente contra aqueles pisos e locais de negocio de ocio que alteren a convivencia. É un dereito contemplado na Ley de División Horizontal. Este custo procesal pode estar cuberto polo seguro de responsabilidade civil que toda Comunidade ten contratado.

 

• Ao Concello de Santiago e á súa alcaldesa exixímoslle que faga cumprir inmediatamente as Ordenanzas Municipais en materia de horarios, licenzas e sonómetros dos locais de negocio do ocio nocturno na nosa cidade e clausure os afters que están exercendo con licenza de bar en Santiago de Chile e Fernando III O Santo.

        Que adiante en 2 horas o peche de pubs e discotecas da nosa cidade, cousa que acaba         de facer recentemente os Concellos de Lugo e Coruña para protexer o descanso da                veciñanza.

 

• Ao Goberno da Xunta de Galicia e á Consellería competente que adapte a normativa de horarios dos negocios do ocio nocturno á da Unión Europea e se inspire  na normativa actualmente en vigor no País Vasco.

 

• Á Policía Local que actúe con dilixencia e non responda con desprezo cando reciba as chamadas da veciñanza molesta polo ruídos xenerados en pisos e locais de negocio de ocio. Ou cando se altere a orde na rúa con pelexas e consumo de drogas e alcohol na vía pública. 

 

• Á Policía Nacional e ao Delegación do Goberno que actúe contundente e coordinadamente contra o narcotráfico crecente que impera con aparente impunidade para evitar que as actuacións puntuais trasladen o problema a outras zonas da cidade.

REUNIÓN VECIÑAL PARA  TOMAR MEDIDAS CONTRA AS RECENTES BATALLAS CAMPAIS NA ZONA NOVA

LUNS 13 DE OUTUBRO ÁS 20.30 HORAS NO CSC O ENSANCHE

Recentemente teñen acontecido varias batallas campais na Zona Nova a altas horas da madrugada que nos teñén alarmado.

O pasado xoves día 2 de outubro aconteceu unha pelexa multitudinaria no entorno da Praza Roxa e República do Salvador con moitas persoas implicadas que fixo necesaria a interveción de varias patrullas policiais e ambulancias arredor das 6:00 da mañá.

Poucos días despois, o sábado día 4 arredor das 5:00 da mañá, tivo lugar unha segunda pelexa multitudinaria no entorno da rúa Nova de Abaixo ás portas dun coñecido local de ocio nocturno na que se viron implicadas máis de 20 persoas e que obrigou á intervención de varias patrullas e ambulancias con numerosos feridos según relatan os veciños. 

Unha hora depois, arredor das 6:30 da mañá, tivo lugar unha segunda pelexa multitudinaria no entorno doutro local de ocio nocturno cuxo propietario tamén o é do anterior local. Nesta liorta agrediron a unha muller a cal non presentou denuncias. Según relatan os veciños que estaban presentes, as persoas implicadas ameazáronse con botellas cortadas en plena rúa e a cal non acudíu ningunha patrulla policial.

Presenciamos un día si e outro tamén pelexas en plena rúa arredor de determinados locais de ocio nocturno que nos teñen enormemente preocupados e no que as persoas implicadas ameázanse con navallas. Temos que lembrar que hai 2 anos morreu un persoa ás portas dun destes locais e pouco tempo despois feriron a outra persoa ás portas doutro local en Santiago del estero. Moito nos tememos que calquera día teñamos que lamentar outra desgracia.

Temos que alertar tamén da presencia de trapicheo de droga e de determinados pisos e locais de distribución neste entorno que contribúe a aumentar a violencia que se expresa nestas batallas campais nas que incluso se chega a agredir aos propios axentes e a veciños.

Dende AV Raigame consideramos necesario visibilizar estos problemas para que as autoridades competentes poñan solución.

Dende as Comunidade de Propietarios, actuar contra aqueles pisos e locais que alteren a convivencia.

Dende o Concello, non autorizar máis licenzas de discotecas e afters en zonas residenciais e adiantar o horario de peche ás 4:00 da mañá.

Dende o Consello de Relacións Veciañais canalizar as nosas demandas xunto con outras asociacións veciñais cos mesmos problemas como acontece na Zona Histórica ou en San Lourenzo.

Alegacións presentadas ao Proxecto Peleteiro imposto polo Concello de Santiago de Compostela

A veciñanza compostelá e 7 Comunidades presentaron as seguintes alegacións ao Proxecto Peleteiro imposto polo goberno municipal. 

Un proxecto que non vai arranxar apenas ningún problema de vivenda se non que vai crear máis problemas aos que xa de por si padece o Ensanche compostelá. 

Alegacións documento 1

Alegacións documento 2

 ASAMBLEA XERAL ORDINARIA 2025

LUNS 24 DE MARZO ÁS 20:00 NO CSC O ENSANCHE

Convócase Asamblea Xeral Ordinaria para o vindeiro 24 de marzo ás 20 horas en primeira

convocatoria e ás 20:30 horas en segunda convocatoria, no salón de actos do Centro Sociocultural O

Ensanche na rúa Frei Rosendo Salvado, 16.

Coa seguinte orde do día:

1.) Aprobar a acta da reunión anterior.

2.) Examinar e aprobar a memoria de actividades do ano 2024

3.) Examinar e aprobar as contas e balances do ano 2024

4.) Aprobar o plan de actividades para o ano 2025

5.) Aprobar os orzamentos de ingresos e gastos para o ano 2025

6.) Memoria de situación dos problemas da Zona Nova

7.) Aprobar a inclusión da AV RAIGAME na Federación Galega contra o ruído FEGACÚSTICA

8.) Rogos e preguntas

Día de Rosalía...conxense!!!

Un 23 de febreiro...

É sabido que naceu na que hoxe é a Praza de Vigo da nosa Zona Nova compostelá.

O que si non é tan coñecido é que Rosalía naceu conxense xa que daquela a Praza de Vigo eran predios do extinto Concello de Conxo do que este ano celebramos o centenario da súa anexión ao Concello de Santiago de Compostela.

Por todo elo, dende a Asociación Veciñal Raigame queremos convidaros aos actos de celebración do seu aniversario:

Comezarán o venres día 21 ás 10 da maña na Praza de Vigo coa participación do alumnado dos colexios San Xosé de Cluny e Quiroga Palacios que recitarán e cantarán algús dos poemas de Rosalía de Castro.

O domingo 23 terá lugar o acto oficial e ofrenda floral organizado pola Fundación Rosalía en colaboración con AV Raigame. Vinde a cantar a Alborada a Rosalía!!

Durante a semana do 17 ao 23 de febreiro, o comercio da Zona Nova e Conxo asociado ás asociacións EmRede e Comercio.Compostela agasallarán á súa clientela cun marcapáxinas conmemorativo.

Convidamos a toda a veciñanza a acompañarnos nestes actos así coma a celebralo tamén nas súas casas gozando dun Caldo de Gloria seguindo a receita da protagonista dun dos seus poemas.

Feliz Día de Rosalía!!!

Cóidame, Polinízame e Cómeme!!!

Cóidame, Polinízame e Cómeme é un proxecto interdisciplinar da Asociación Veciñal RAIGAME en colaboración cos Centros Educativos relacionados coa Zona Nova compostelá. Nestos momentos están interesados en participar 11 grupos de 25 alumnos de educación primaria.

Con el pretendemos concienciar á cidadanía en valores cívicos como son o respeito a todos aqueles elementos que conforman a nosa cidade e o noso barrio traballando cara a unha maior cohesión social arredor dun proxecto común no que o alumnado participe e se sinta protagonista. 

Así, coa participación activa dos escolares no coidado e conservación de determinados elementos vivos (plantas, insectos e paxaros) en determinados lugares do noso barrio, esperamos que sintan a cidade coma algo seu que merece ser coidado e respetado. 

O proxecto ¨Cóidame, Polinízame e Cómeme¨ consiste en plantar en determinados lugares unha serie de plantas comestibles polinizadas por insectos e cuxos froitos son apreciados polos paxaros do noso entorno urbano.

Dende a Asociación Veciñal RAIGAME convidamos ao comercio local da nosa cidade a colaborar patrocinando cada un dos 11 maceteiros aos que están previstas 3 visitas que serán divulgadas nas nosas redes sociais e nos medios de comunicación para que toda a cidadanía tome conciencia da importancia de coidar o común. 

Se queres máis información, por favor, contacta con nós no email: aavvraigame@gmail.com